في اليوم العالمي للمرأة .. شكرًا لكل ست لسه ما انتحرتش

في اليوم العالمي للمرأة … شكرًا لكل ست عايشة في مصر بتقف قدام دولابها ساعة تختار إية مناسب عشان تتجنب الأذى النفسي .. شكرًا لكل ست عايشة في مصر بتمشي في أي شارع وهي بتلف راسها 360 درجة زي البومة عشان تأمن الطريق حواليها وما تتاخدش على خوانة .. شكرًا لكل ست بتركب مواصلات الصبح وفي خمس ثواني بتحدد المكان المناسب اللي يحفظ لها قدر من مساحتها .. شكرًا لكل ست بتدخل شغلها وتستحمل عبء التحرش داخل أماكن العمل وتواجهه، وأخيرًا شكرا لكل ست عايشة طول الوقت في رعب وقلق وخوف وضغط عصبي ولسه قادرة تكون عضو فعال في المجتمع .. شكرًا لكل ست لسه ما انتحرتش.

اقرأ المزيد
error: Content is protected !!