غادة الجميلة والمثابرة

إعداد: دعاء فتوح

سما الشال (صديقة غادة)

غادة دفعتي في الأول كده مبدئيا .. J

و تعاملنا مع بعض فترة من خلال الشغل..

غادة شخصية حساسة جدا..، و جميلة من جواها زى ما هي جميلة من برّاها، دايما ليها رؤية إنسانية و مختلفة في معاني الأشياء، و ده كان بيبان في حواراتها معانا.

كانت بتجيب أبيات الشعر الجميلة بتاعتها و تقعد تقرأها لنا، أنا فـ العادي مش باميل للشعر قوي… بس لفت نظري كلامها جدا ودقة تعبيراتها اللي بتنقل إحساس و مشاعر و معاني و تفاصيل، الواحد يبقى حاسسها بس مااتخيلش يلاقي كلام يعبر عنها… غادة بقى كانت بتعبر عن الكلام ده ببساطة شديدة.

هي سابت الشغل اللي كنا فيه مع بعض و كنا كلنا زعلانين قوي علشان الحكاية دي… بس كان السبب وقتها إنها عايزة تعمل حاجة بتحبها و حساها…. وده كان عزاءنا الوحيد…إن هي تبقى مبسوطة و تبتدي تعمل الحاجات اللي بتحبها…. وفعلا من وقتها بدأت تكتب دواوين الشعر البسيطة الجميلة بتاعتها و ترسم رسومات تعبر عنها بنفسها… وتعمل منها أغلفة للكتيبات اللي كانت بتجمع الشعر بتاعها،
غادة مرت بظروف كتير صعبة في حياتها… ممكن مااكونش أعرف تفاصيل كتير… بس الأهم اللي أعرفه… إنها عايشة طول الوقت بتحارب الظروف دي، وبتبني نفسها بنفسها… وعاجبني صمودها و مثابرتها رغم كل شيء. J

بجد ربنا يوفقها و يسعدها… لأنها تستاهل كل خير و سعادة.

داما

داما

التاء المربوطة في أبجدية بكرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!