عن داما

احنا مين؟

مجموعة من البنات اللي بيحبوا النور والحياة والوطن .
قررنا ندور على الداما المبدعة من كل مكان وكل مجال، عشان نوحد صوتها ونرسم لوحة واضحة وكبيرة تضم كل ملامح جمالها وعيوبها ونقط ضعفها وقوتها.

البداية..

كانت في سبتمبر 2014 .

معانا أكتر من 150 كاتبة ومبدعة من محافظات مصر المختلفة بالإضافة لكاتبات من دول عربية ومصريات مغتربات في بلاد غربية .

فتحنا ملفات شائكة وناقشناها وتناولناها برؤى جديدة وجرأة غير معهودة

والطريق لسه فى أوله … ولسه مكملين.

في داما ..

  • بنتكلم ، بنتناقش ، بنغني ، بنقول سياسة ، بندور على مصدر الوجع ، بنفضفض ، بنضحك .. بنضحك كتير وبنخلي كل الدنيا تفرح .
  • بنبني لكل بنت وكل ست مهما كانت وظيفتها أو ثقافتها أو اعتقادها أو توجهها بيت كبير يحضن كل دامات الأرض.
  • بنتكلم بصراحة ، بحرية ، بإيمان ، بنصرخ ونعلم ونبدع .
  • قررنا نكون مع كل داما وبيها وليها ، بنبني معاها مساحة مختلفة ونأسس لبكرة بعيون واعية .
  • قررنا نكون مع كل داما جوه حلمها ونشاركها نجاحها .. وإبداعها من خلال tv  داما ..
  • بنوفر مساحة لكل قلم وكل فكر من خلال مقالات داما ..
  • بنحاول نوصل لكل داما جوه بيتها .. غيطها .. مكتبها .. ونوصل صوتها ..
  • بنحاول نوفر لها خيوط لبدايات .. وناخد منها خبرة ..
  • بنحاول نكون عدسه وألبوم صور نسجل بيهم فرح .. شقى .. ووجع كل داما .. ولحظاتها النادرة..
  • هندور فى التاريخ عشان نبني بكرة ..

هنفجر أفكار جديدة ونبدع بره الصناديق .

error: Content is protected !!