علبة الحليب والعادات القديمة..

منذ فترة قصيرة انتشرت الصورة دي على الــFacebook    للطريقة الأفضل لسكب اللبن من علبة الحليب مع تعليق    : ” هذه هى الطريقة الصحيحة “

حد جرب ؟  كام واحد جرب و قال يمكن فعلا الطريقة دى أفضل ؟

بما إنى فضولية و بعشق إنى أجرب  طبعًا جربت و الحقيقة  فعلا طلعت الطريقة الأفضل واللبن ما ادلقش و أنا بصبه من العلبة .

طبعا  هتسألونى إيه  العلاقة بين علبه اللبن و إنى هتكلم إزاى نعيش حياتنا ببساطة و نتغلب على الصعوبات اللى بتواجهنا فى الحياة، و نكتسب مهارات حياتية تنفعنا فى الحياة العملية و الشخصية على السواء ؟

اقولكوا، الموضوع ببساطة إننا علشان نقدر نتغلب على صعوبات الحياة و نتعايش مع كل المتغيرات اللى بتواجهنا ، أو نكتسب مهارة مثل إدارة الوقت أو … أو … إلخ   لازم يكون عندنا حاجات أساسية :

أولها إننا نرفع شعار  ” ليه لا”  أيوه  ليه لا ما نجربش لازم نجرب ما يكونش رد فعلنا تجاه أى فكرة بنقرا عئها أو بنسمعها و بتتعرض علينا  هو مصمة الشفايف، و إمالتها على جنب و إطلاق تنهيدة  طويلة  بعدها الجملة الشهيرة ” آه طبعًا هنجرب إن شاء الله ” و قلبى من جوه بيقول دى ناس مجانين أكيد مش هينفع .. الفكرة دى مش ممكن تجيب نتيجة معايا ولا مشاكلى ها تتحل .

لكن بدل من كدا نرفع شعار خلينا نجرب  لأن التجربة هى الاختبار الحقيقى للنظرية و الموضع مش صعب افتكروا علبه اللبن مجرد إنك تدوريها وفرتى لبن كتير ادلق.

ثانيًا يكون عندنا استعداد للتغير  – أيوه التغير –  الدنيا من حولينا بتتغير  وبسرعة اصبحت مرهقة لينا  على المتسوى العملى و الخاص كل يوم فى تكنولوجيا جديدة بتدخل حياتنا و بتأثر عليها أو اختراع  يغير مفاهيم و نظرايات عشنا معاها فترة طويلة .  كام أم أو أخت بتشوف ابنها أو اخوها الأصغر  و هو ماسك التلفون و بيلعب عليه و بيجيب حاجات احنا أصلا ما نعرفش هو جابها منين ؟ و كام مرة  و احنا بنقدم على شغل نلاقى إن المهارات اللى مطلوبة أعلى من الموجود عندنا ؟ و خصوصًا إن التعليم عندنا زى ما انتوا عارفين لا يؤهل لسوق العمل..  وفوق دا كله التطور اللى دخل على سوق العمل دلوقتى فى وظايف ما كانتش موجودة من كام سنة  صح ؟

علشان كده ها نبدأ مع بعض من دلوقتى رافعين شعار التجربة “وليه لا؟” و التغير هو الطريق لحياتى القادمة، فأنا إمرأة عصرية متطورة هقدر ألعب مع ابنى على الإكس بوكس و اكسب،  و أكون امرأة عاملة ناجحة فى حياتى

____________________.

* عنوان المقال مستوحى من اسم فيلم قديم بطولة كارى جرانت ” الزرنيخ و الرباط القديم “

Spread the love
فاطمة الزهراء محمد

فاطمة الزهراء محمد

استشارى تنمية مستدامة وتطوير مؤسسى مدرب تنمية مهارات - speaker at TEDx Women صاحبة مبادرة شجرة لكل أسرة . "شعارى الحياه حلوة بس لازم تتعاش"

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!